يو څو ساندې:ګرانو په ژړامېنو يارانو!پوهېږئ چې ژړا مې څومره خوښه ده؟هره شېبه ژړا راځي،هره شپه ژاړم او غواړم چې دومره وسه ولرم چې تاسې هم وژړوم او په دې کار مو د دردمنو زړونو درد لږ څه راکم کړم خو خداى شته چې دا حالات دومره ناځوانه شوي چې سړي ته د ژړا اجازه هم کله نه ورکوي،ماته د ګرانو دوستانو يو شمېر ګيلې او ننګونې هم په برېښليکونو را لورېدلي خو زما له دې لارې ټولو ته همدا ځواب دى،همدا ژمنه ده چې بنده تر خپله وسه پړ دى.

رېښتيا خبرې به مې ډېرې شوې وي،ښاغليو برېښليک کوونکو په ژړا کې مې نوې اوښکې غوښتي،زه هم دا امر په ځاى کوم،همدا شېبه راسره يوازې څو بيته د ذهن په کاله کې زېرمه دي،تورتوتان له تاسو قربان...

د ډارونکي خوب،تعبير په شانتې ژوند لرمه

د هر چا بدي شم،د وير په شانتې ژوند لرمه

بخت مې د وخت په دام کې ګېر دى،خپله زما چارواکى

زه د غلام هېواد وزير په شانتې ژوند لرمه