چې مې جانان دتېر په شانتې احترام نه کوي
                                اوس غريب شوى يم هيڅوک هم په ماپام نه کوي
                               دادې سزا،چې دې کړم هېر،اسمان دې وژړاوه
                                 اوس باران اوري لمر او ستوري دې سلام نه کوي

                                     ماته بلنه نور دسترګو دجنګ مه راکوه
                                  ګوره!پاچاسره سيالي خو خپل غلام نه کوي
                                 زه به داستاپه سر رقيب په ټوپک څله ولم؟
                                 داخويو دود دى دغه حکم خو اسلام نه کوي
                                 زه چې له ياره کله خوله غواړم نو وايي راته
                               رغانده!ځه،څوک روژه ماتى هر ماښام نه کوي

برای دیدن عکس ها به ادامه مطلب مراجعه کنید